KËSHILLI PËR NGRITJEN E MUZEUT TË “LIRISË”

Shpall të hapur thirrjen për të gjithë qytetarët, subjektet dhe institucionet e Republikës së Maqedonisë dhe të rajonit për:

Grumbullimin e materialeve për ngritjen dhe pasurimin e Muzeut të Lirisë në Shkup, që kanë vlerë historike për ruajtjen e traditave dhe dashurisë atdhetare për të kaluarën e lavdishme të popullit shqiptar. Veprimtaria themelore e Muzeut do të jetë ajo kërkimore-grumbulluese e materialeve të vlefshme muzeore, fotografi, dokumente, objekte tridimenzionale (pajisje ushtarake), tekstil (flamuj, veshmbathje, uniforma) etj, në kuadër të detyrave  konkrete programore për një periudhë të caktuar historike, duke filluar nga Kryengritja e Dërvish Carës (1844) deri tek Ushtria Çlirimtare Kombëtare.

Në fillim të këtij viti filloi meremetimi i objektit me vlerë historike ku do të gjendet edhe ky Muze Kombëtar i shqiptarëve të Maqedonisë.

Evidentimi dhe mbledhja e materialeve do të fillojë prej më 15 Tetor 2008, dhe për të njëjtat, Kryetari i Këshillit për ngritjen e muzeut, z. Ali Ahmeti, do të jep qertifikata falënderimi për kontributin e dhënë.

Të gjithë të interesuarit që duan të jenë pjesë e ngritjes së muzeut me dhënien e eksponateve mund të drejtohen deri te Këshilli për grumbullimin e materialit (adresa: Komuna Çair, bulevari Karposh nr.5 Shkup). Telefonat për kontakt: 02/2616-860 Personi: Skender Asani. www.28nentori.com